मुलुकको दशा हेर्दा यस्तो लाग्छ बौलाउँछु कि आजै भोलि
भाइभाइको झैं झगडाले हिर्काउँछु कि आफैलाई गोली ।

यो दशाले बिग्रेजस्तो भैसकिएछ आफै पनि
देश टुक्राउन चमकधमक, उग्र–उग्र भाषण बोली ।

लगाम विनाको घोडासरी लाठिएर हिंड्छन् सबै
अस्तित्वको संकट यहाँ तर्साउँछन् छाती खोली ।

आफ्नै धुनमा कुँद्नेमाथि के पो रह्यो भरोसा र
संघीयताले बाटो बिराउँदा कित्ताकाट भो मोल मोली ।

मुलुकको दशा हेर्दा यस्तो लाग्छ बौलाउँछुकि आजै भोलि
संघीयताले बाटो बिराउँदा कित्ताकाट भो मोल मोली ।

सोमराज पोखरेल लुनाटिक
नयाँगाउँ–१, गुल्मी ।