मायाभन्दा गालीकै जोडले कुनै अर्थ हुन छाड्यो
जुटकोभन्दा फुटको राजनीतिले कुनै अर्थ हुन छाड्यो ।
बेबारिस हिड्नुभन्दा समूहमा हिंड्न जाती भने पनि
यहाँ दुई चार जनासंगै हिंड्नुको अर्थ हुन छाड्यो ।
राजनीतिक मारकाटको खेल फेरि सुरु हुने डर छ
शान्ति र सेना समायोजन भएको कुनै अर्थ हुन छाड्यो ।
हिजोका अस्तित्वविहीनहरु आजका मालिक भएका छन्
सर्वहारा वर्गको हितका लागि भन्ने भाषणको अर्थ हुन छाड्यो ।
संसदबाटै बन्नुपर्ने सबैथोक, नबनेपछि पर्नुसम्म पीर प¥यो
अब त संसदबादी दल भन्नुको अर्थ हुन छाड्यो ।
जुटकोभन्दा फुटको राजनीतिले कुनै अर्थ हुन छाड्यो ।
 अब त संसदबादी दल भन्नुको अर्थ हुन छाड्यो ।।

सोमराज पोखरेल ‘लुनाटिक’
असार ६, ०६९ काठमाडौं ।